EMS

അന്നൊരു രാവിലെ എണീറ്റ് ദേശാഭിമാനി എടുത്ത് വായിച്ചപ്പോൾ ആണ് ഒരു മുഴുവൻ പേജ് ഇ എം എസ് ന്റെ ഫോട്ടോ ഇ എം എസ്  അന്തരിച്ചു .. അന്ന് ഞാൻ അഞ്ചിലോ ആറിലോ ആണ് പഠിക്കുന്നത് .. ആളുകൾ മരിച്ചാൽ വടി ആയി എന്നൊരു തമാശ പ്രയോഗം അന്ന് നാട്ടിൽ ഉണ്ട് രാവിലെ ദേശാഭിമാനി വായിച്ചു കൊണ്ടിരുന്ന ഞാൻ  എണീറ്റ് വന്ന അച്ഛനോട് പറഞ്ഞു അച്ഛാ ഇ എം എസ് വടി ആയി എന്ന് .. കണ്ണിൽ നിന്നും പൊന്നീച്ച പാറിയ ഒരു അടി ആയിരുന്നു ഉത്തരം അതിനു മുൻപും ശേഷവും അച്ഛൻ എന്നെ അത്ര ദേഷ്യത്തോടെ അടിച്ചിട്ടില്ല .. ഒരിക്കലും പ്രതീക്ഷിക്കാത്ത ആ അടിയിൽ ഞാൻ വിറച്ചു പോയി . അന്ന് ദേശാഭിമാനിയിൽ വന്ന ഇ എം എസ്  അനുസ്മരണ ലേഖനങ്ങളും ഒക്കെ ഞാൻ പിന്നെ വായിച്ചു .. എന്റെ വീട്ടിൽ ഉള്ള പുസ്തകങ്ങളിൽ ഒട്ടു മിക്ക പുസ്തകങ്ങളും   ഇ എം എസ് ന്റെ താണു ഇതൊന്നും ഞാൻ വായിച്ചിട്ടൊന്നുമില്ല ..പക്ഷെ എനിക്കറിയാം പാവങ്ങള്ക്ക് ഭൂമി കൊടുത്ത ജന്മി കുടുംബത്തിൽ പിറന്ന ഇ എം എസ് നെ കുറിച്ച് ലോകത്തിൽ ആദ്യമായി തിരഞ്ഞെടുപ്പിലൂടെ അധികാരത്തിൽ വന്ന കമ്മ്യൂണിസ്റ്റ് മന്ത്രി സഭയെ കുറിച്ച് .. പൈതൃക സ്വത്ത് വിറ്റു പാർടി പത്രം തുടങ്ങിയ ഇ എം എസ് നെ കുറിച്ച് .. ഞാൻ നേരിൽ കണ്ടിട്ടുള്ള ഏറ്റവും വലിയ മനുഷ്യ സ്നേഹിയായ എന്റെ  അച്ഛനെ ഏറ്റവും അധികം സ്വാധീനിച്ച  ഇ എം എസ് എന്ന കമ്മ്യൂണിസ്റ്റ്‌ മരിച്ചിട്ട് ഇന്നേക്ക്  17 വർഷം   ..